სამუშაო სივრცეში რისკების შეფასების წესი
გამოქვეყნდა „სამუშაო სივრცეში რისკების შეფასების წესი“, რომელიც განსაზღვრავს რისკების შეფასების მინიმალურ მოთხოვნებს, პროცედურას, პერიოდულობასა და სარეკომენდაციო ფორმებს.
რისკების შეფასებამდე აკრძალულია საფრთხის შემცველი საქმიანობის ან/და დასახული ამოცანის შესრულების დაწყება. მატერიალური სახის იდენტიფიცირებული საფრთხოეები აღბეჭდილ უნდა იქნას ფოტოზე და უნდა დაერთოს რისკების შეფასების დოკუმენტს.
რისკების შეფასების დოკუმენტის გადახედვა/განახლება უნდა მოხდეს იდენტიფიცირებული ახალი საფრთხის, უბედური შემთხვევის, საწარმოო პროცესის ან სამუშაო გარემო პირობების ცვლილების შემთვევებში. გარდა ამისა რისკების შეფასების დოკუმენტის გადახედვა/განახლება უნდა განოხორციელდეს შემდეგი პერიოდულობით:
- ✓
ყოველ 10 დღეში ერთხელ - განსაკუთრებით მაღალი რისკის სექტორებში (მშენებლობა, სამთომოპოვებითი მრეწველობა);
- ✓
ყოველ 15 დღეში ერთხელ - ძალიან მაღალი რისკის სექტორებში (მძიმე მრეწველობა, ქიმიური წარმოება, ფარმაცეფტული პროდუქციის წარმოება, კარიერი, ენერგეტიკა, წყალმომარაგება);
- ✓
თვეში ეთხელ - მაღალი რისკის სექტორებში (აგრარული სექტორი, მსუბუქი მრეწველობა, დამამუშავებელი მრეწველობა, ლითონის პროდუქციის წარმოება, ავეჯის წარმოება, ქაღალდის წარმოება, თამბაქოს წარმოება, საგამომცემლო საქმიანობა, ტრანსპორტი, დასაწყობება, ნარჩენების მართვა);
- ✓
4 თვეში ერთხელ - საშუალო რისკის სექტორებში (ვაჭრობის სექტორი, მომსახურების სფერო);
- ✓
6 თვეში ერთხელ - დაბალი რისკის სექტორი (საჯარო სამსახური, დიზაინი, უძრავ ქონებასთან დაკავშირებული საქმიანობა, საგანმანათლებლო საქმიანობა, ხელოვნება, გართობა-დასვენება).
სამუშაო სივრცეში რისკის შეფასების წესი
← ყველა სიახლე