საქართველოს შრომის უსაფრთხოების, ჯანმრთელობისა და გარემოს დაცვის ასოციაცია იწყებს შრომის უსაფრთხოების სისტემის დანერგვის პროექტს.

პროექტი ითვალისწინებს ორგანიზაციებისთვის შრომის უსართხოების სისტემის დოკუმენტაციის შემუშავებას და ხელმძღვანელი პირების ტრენინგებს. აღნიშნული ღონისძიებები პროექტში ჩართული მონაწილეებისათვის ხორციელდება უფასოდ.

შრომის უსაფრთხოების სისტემის დანერგვის პროგრამის მიზანია:

• „შრომის უსაფრთხოების შესახებ“ ორგანული კანონით გათვალისწინებული მოთხოვნების შესასრულებლად ორგანიზაციების დახმარება;
• კომპანიებისათვის საექსპერტო-საკონსულტაციო მომსახურების გაწევა;
• კომპანიებისათვის საჭირო შრომის უსაფრთხოების შიდა მარეგლამენტირებელი დოკუმენტაციების შემუშავებაში დახმარების გაწევა;
• კომპანიების მენეჯმენტის წარმომადგენლებისათვის ახალი რეგუალციების გაცნობა და ცნობიერების ამაღლება;
• ასოციაციის რეკომენდაციების, სიტუაციური რჩევებისა და ახალი რეგულაციების გამოყენების შესახებ პრაქტიკის გამოქვეყნება.

პროგრამის ფარგლებში:

1. შეირჩევა 50 კომპანია, სამშენებლო სექტორიდან, სხვადასხვა პროდუქტების მწარმოებელი კომპანიებიდან, საზოგადოებრივი კვების ობიექტებიდან, სავაჭრო სექტორიდან, სამედიცინო სფეროდან.

2. შერჩეულ კომპანიებში შრომის უსაფრთხოების სისტემის დანერგვის მიზნით შეიქმნება შემდეგი დოკუმენტაცია:

• შრომის უსაფრთხოების პოლიტიკა;
• შრომის უსაფრთხოების წესები;
• შრომის უსაფრთხოების სამსახურის/მენეჯერის დებულება;
• ტრენინგებისა და ინსტრუქტაჟების გეგმები;
• გასატარებელი ღონისძიებების შესახებ რეკომენდაციები.

3. კომპანიების მენეჯმენტისთვის ჩატარდება 2 დღიანი ტრენინგები ახალი რეგულაციების, ორგანიზაციებში შრომის უსაფრთხოების მარეგლამენტირებელი დოკუმენტებისა და შრომის უსაფრთხოების სისტების მართვის საკითხებზე.